زجلية (حروفي)

بقلم : أحمد بوعسرية

خرجت حروفي من الجوف
بلمعاني
…. شي ناس جاهم لخوف
قريتو كلام
…. .لي سمعو بقى غير يشوف
منين كتبناه
….لي قرأه بقى متلوف

انا زعما سلمي وزجلي معروف
كتابتي ما خارجة على الصفوف
قلامي كتبت ما رعاة للظروف
نشفت مدادها وما طلبت مصروف

بغيت غير لمعني
…. توصل مشفرة للمقصوف
ما تهمني تجول
….. فالسما والأرض تبقى تطوف
مع خوتي
…. هذا هو حقي فتسطير لحروف
جمعتها وخليتها
…..سلاح فاوراقي ملفوف
احمد بوعسرية (زجل لوكوس)