بعد قرار مجلس الأمن الأخير.. الليلي يخرج من جحره ويكشف ولاءه لأعداء المغرب

مكتب القنيطرة /عزيز منوشي

كعادته، خرج الإعلامي الفاشل محمد رضا ليلي يحتفل كأن ما وقع في مجلس الأمن أمس هو انتصار تاريخي له، والفيتو الروسي أشفى غليله المريض ضد المغرب.

هذا الشخص اللي نكر بلاده وباع ضميره لمن يدفع أكثر، كيظن أن المغاربة نساو خيانته. هو نفسه اللي كل ما المغرب كيتقدم خطوة، كيخرج يبكي ويطبل لأعداء الوطن. البارح فرحان حيث روسيا دارت فيتو ضد القرار الأمريكي اللي كان كيدعم الحكم الذاتي المغربي، ونسى أن الفيتو الروسي ما طيحش القرار 2797 اللي هو المرجعية القانونية الوحيدة اللي كتعتبر الحكم الذاتي أساس جاد وذي مصداقية.

ومن ينكر بلاده لا خير فيه، وهاد المثل كينطبق عليه بالحرف. رضا ليلي اللي فشل في بلاده وفشل حتى يكون صحفي محترم في الخارج، ولا بوق رخيص كينبح كلما طلب منه أسياده. المغرب قالها بوضوح: عدم تمديد بعثة المينورسو هو تطور تاريخي وطي لصفحة دامت 35 سنة، والبعثة خاصها تجمع حوايجها وتغادر الصحراء المغربية في الأيام المقبلة. هذا هو الواقع اللي كيحرق ليلي وأمثاله.

ماذا تنتظر من خائنين الوطن؟ خائن اليوم، خائن غدا. اللي باع بلاده مرة، يبيعها ألف مرة. هادو ماشي صحفيين، هادو مرتزقة الكلمة، كيعيشو على فتات موائد أعداء المغرب، الجزائر والبوليساريو، وكيقلبو على أي حدث باش يشوهو صورة المغرب.

القرار الروسي الحقيقي هو هذا: روسيا ما استعملاتش الفيتو حبا في الجزائر ولا في ليلي، روسيا استعملاتو باش ما تخليش أمريكا تفرض صيغتها بوحدها، والدليل أن مشروعها هي براسها سقط وما جابش حتى 3 أصوات، وأمريكا دارت ضده فيتو. يعني لا أمريكا ولا روسيا بغات الأخرى، والنتيجة هي نهاية المينورسو اللي المغرب بنفسو طالب بها. فين هو الانتصار اللي كيهضر عليه ليلي؟

الحقيقة المرة اللي ما بغاش يبلعها رضا ليلي هي أن الصحراء مغربية وانتهى الكلام، والمينورسو اللي كانت كتعتبر وسيلة لتدويل الملف، اليوم انتهت بلا رجعة بقرار من مجلس الأمن نفسه، والقرار 2797 ديال 2025 اللي كيدعم الحكم الذاتي باقي هو المرجع.

المغرب غادي في طريقو، والصحراء في مغربها والمغرب في صحرائه، وكلاب تنبح وقافلة تسير.4×4