السلفيون في المغرب على خطى قرنائهم في مصر.احماد القباج اميرا على امارة مراكش كما لم تعرفوه من قبل

لسلفيون في المغرب على خطى قرنائهم في مصر ..
يبدو ان حزب العدالة والتنمية و حركة الاصلاح والتوحيد آخذة في التسلف.. ويبدوا ان مشروع التجديد قد انتهى داخل هذه الحركة بعد نجح التيار التقليدي فيها وعبر عقدين من الزمان في ابعاد كل من بدت عليه ملامح التنوير والتجديد …الجديد له جدة والبالي لا تفرط فيه …عظم الله اجركم في التجديد والاجتهاد .

اليكم مقالا من مدونة هشام شارم عن بيوغرافيا احماد بن احماد القباج

حْماد بن أحمد بن حْماد القبّاج، 39 عام من مرّاكش، تيعجبو تعيّط ليه أبو عبد الله سيرا على منهاج السلف الصالح.
قرا فمرّاكش حتا وصل للسانكيام، وقعات لو كسيدة ف 1993تشلّل فيها مسكين شلل رُباعي، و جلس من القراية.
بقا عامين تيداوي حتا قدر يرجع يحرّك يدّيه، و هو يرجع عاوتاني للقراية ف 1995 فثانوية أبي العباس السبتي فمراكش.
كان تلميذ نجيب و تيقرا مزيان، لكن ما شدّش الباك، و بقا مُقعد يمشي على كرسي متحرّك ليومنا هذا.
السي حماد المستوى الدراسي ديالو هو حافظ ستين حزب بالقراءات العشر، إنسان عِصامي تعمّق فالدّين و السيرة النبوية و هو أحد تلاميذ الشيخ المغراوي مول دار القرأن الشهيرة اللي سدّوها ليه فمراكش.
حماد القباج سلفي حتا النخاع، و مُحارب شرس للعلمانية و العلمانيين، و حتا هو عندو فيديوهات شهيرة فاليوتيوب على الأخلاق العامة و موقع خاص بالمرأة المُسلمة تيوصّيها و تيحذّرها من المعاصي و الإختلاط غير هو ما قالش ليها عيناكِ سلاح.
و الغريب أنه سميتو بنحمّاد، و هادشي كلو غير صدفة بلا ما يمشي بالك بعيد.
حماد بنحماد القبّاج خدا عدّة إجازات لكن ماشي من جامعات كيف ما تيديرو الطلبة كاملين، لا، هو خذاهوم من عند أشخاص، و هادي أول مرّة تنسمعها، يعني أنا لا بغيت شي إجازة دابا فش لعبة نمشي عند شي أستاذ و ناخذها، لقراية تبدّلات و سهالت يا جدعان غير اللي ما بغاش يقرا.
الإجازات اللي عندو هي كالتالي:
-إجازة عامة وخاصة من العلامة محمد الأمين بوخبزة
-إجازة علمية من العلامة عادل بن المحجوب رفوش
-إجازة علمية من العلامة المختار بن العربي مومن الجزائري ثم الشنقيطي
-إجازة عامة وخاصة في جميع دواوين السنة وعلوم القرآن والفقه عموما وخاصة الفقه المالكي والتاريخ من العلامة مساعد بن بشير الحسيني.
و هاد الإجازات كلها غير على القرأن و السنة و كيفاش تقرا القرأن و تجوّدو.
حماد القبّاج واخا أنه مُقعد و هذا قدر و لا رادّ لقضاء الله، و واخا أن مستواه التعليمي حدّو حافظ الحمدو، لكن حزب العدالة و التنمية رشّحو وكيل لائحة فدائرة النخيل گيليز فمراكش باش يكون نائب برلماني تينوب على المواطنين و يسنّ قوانين و يناقشها !!!!!!
السيّد معروف أنه سلفي حتى النخاع، يمنع الإختلاط و تيكفّر أي واحد ما تيوصوّتش للبيجيدي، رغم أنه أصلا فأبجديات الفكر السلفي الإنتخابات حرام شرعا حيت تيأمنو بالشورى و داكشي.
عندو مواقف معروفة من الحريّات العامة و ضد اي مظهر من مظاهر الحداثة، هذا أشمن إضافة غا يضيفها للمشهد البرلماني فالمغريب، اللهم لا كان غا يبقا يوذّن ليهم فالبرلمان و يقرا ليهم القرأن فإفتتاح الدورة البرلمانية، عدا ذلك السيّد راه ما عندوش و خاصنا ليه شيفور و اللي يهزّو من الطوموبيل للمقعد البرلماني، يعني مصاريف إضافية ستتثقل كاهل الميزانية.
بعض المترشحين معاه فنفس اللائحة إنسحبو و تراجعو على خوض الإنتخابات و قدمو إستقالتهموم من الحزب إحتجاجا على هاد لعب الدراري.
البرلمان خاصو طاقات و كفاءات اللي تزيد بيه للقدّام، ماشي ناس بغاو يرجعونا لعصر الخيمة و الناقة و الجواري و ما ملكت الأيمان و الزواج العُرفي راك فاهم.