60 الف شخص كلنا زكرياء فتحاني
مصطفى توازري
من هو والي بنك المغرب ? مجرد أسئلة بريئة باش نفهمو اكثر شكون هد السيد والي بنك المغرب منذ سنة 1962 و هو موظف سامي في بنك المغرب أي 55 سنة !!!! واش غير هد السيد بوحدو في المغرب لي تيعرف الإقتصاد !!؟
هد السيد الأجر ديالوا 25 مليون سنتيم حسب تقرير مجلة تال كيل و جرائد وطنية و قد سبق للوزير الأسبق للمالية فتح الله ولعلو أن كشف عن كل أجور الموظيفين الساميين في المغرب و أضهر أن والي البنك يتقاضى 40 مليون سنتيم في الشهر زائد تعويضات و منحة (بريم ) كل 6 أشهر تفوق 400 مليون سنتيم أي انه يتقاضي أضعاف المرات راتب رئيس أقوة دولة في العالم{ و م أ } أوباما !!!بلاتي نزيدكم شويا هد خينا راه كان برلماني ووزير سابق و أكيد أنه باقي تيستافد من التقاعد ديلهم ؟؟ و بلى متجبدو الآلة الحاسبة باش تحسبو شحال عندوا فرسمالوا حينت أرقام خيالية و هنا غدين تفهمو علاش هد السيد ضد فرض الضريبة على الثروة ؟؟؟..هو بنفسو كان تيغوت فالبرلمان و تيدافع على القدرة الشرائية للمواطن البسيط كما يدعي !!!؟
يعرف الجميع كيف سبق أن تخلى هد السيد عن نائبه عبد اللطيف فوزي فالوقت لي حصل في إصدار شيك بدون رصيد قيمتو فقط 285 مليون سنتيم رغم أنه صديق ديالو و خدام معاه 11 سنة لكن بعد 4 أيام فقط سي فوزي قضر إخلص الدين ديالو و خرج من الحبس و مباشرة قدم الإستقالة …هنا تخلص منو والي بنك المغرب و جاب واحد آخر بلصتو بزربة …هدشي حسب تقرير موقع إلكتروني مغرب بريس سنة 2015 .
هد مؤسسة بنك المغرب معمرها خضعات لفتحاص مالي ( أوديت ) منذ تأسسها سنة 1959 من طرف المجلس الأعلى للحسابات
لكن سبق شركة ” أوفو” “OVO” المتخصص في صناعة البيض ببلدة عين عودة و التي يمتلك هد والي بنك المغرب و أحد أبنائه أغلب أسهمها أن خضعت لمراجعة ضريبية و هنا اكتشفت إدارة الضرائب اختلالات ضريبية بملايين الدراهم تعود إلى سنوات و معجبهمش الحال و مشاو القضاء الإداري !!!؟و من جهة أخرى حتى سكان عين عودة يطرحون تساؤلات حول الطرق التي حازت بها هذه الشركة على أراضي شاسعة في المنطقة بأثمنة رمزية !!!! هدشي واقيلا ماشي ريع و فساد !!! و انت مشي أهل باش تعطينا دروس في الأخلاق و العمل الجاد و المقعول هدشي حسب موقع اليوم 24 .
…هد والي بنك المغرب سبق ليه كان رئيس مدير عام للبنك المغربي للتجارة الخارجية !!! نفس البنك لي في فيه حساب الشركة !!!؟
بغيت غير نعرف علاش شحال هدي و الشركة خدامة بشكل قانوني و جميع معاملاتها المالية تمر عبر الحساب البنكي و لم تحركو ساكنا حتى اليوم بعد الإحتجاج و الدليل أن نصف المقاولين الذاتيين بالمغرب ككل كاينين فشركة لورن لوحدها يعني الناس باغيين إخدمو بالقانون و باغيين التنمية ديال البلاد ماشي الإرهاب كيف ما وصفتينا فالندوة ديالك اسي والي بنك المغرب ؟ و علاش بعد 9 أشهر من التحقيق وقبل يومين علا الخروج للإحتجاج عد جا اعتقال السيد زكرياء فتحاني ؟ علاش ساكتين على باقي الشركات لي تتخدم بنفس نظام شركة لورن و ربما أسو و لم تحركو ساكنا منذ أكثر من 10 سنوات واش هما فوق الحساب و فوق القانون ؟ و علاش و علاش …و في الأخير غدي نقوليك بلي السي زكاريا راجل عليك و حنا ممفاكينش و إلى كان الحبس ضروري وجدو ليا شي غرفة مع زكرياء
